عشرون خطوة للتعايش مع كورونا

  عشرون خطوة للتعايش مع كورونا

عشرون خطوة للتعايش مع كورونا :

عشان انت دلوقتي مسؤول عن نفسك وأهلك

لازم تعتبر نفسك من بكرة انت مرمي في البحر ولازم تعرف تعيش من غير متغرق ومن دلوقتي اعتبر كل انسان بتتعامل معاه انه انسان مصاب بالفيرس إلا أن يثبت العكس :

واحفظ العشرون خطوة لممارسة حياتك الطبيعية مع كورونا :

١-متنزلش الا للضروره القصوي

يعني اعتبر نفسك محذور نزولك من البيت نهائيا الى للضرورة القصوى وخصوصا مرضى السكر والضغط والقلب والسمنة والأمراض المزمنة

٢- لكن لو يعني عندك شغل او مشوار مهم اوي اوي اوي

وانت نازل بقي للضروره القصوي متنساش ماسكك في وشك

وكحولك في ايدك

واللي يقولك اديني

اديله حبه من بعيد ينوبك ثواب

٣- مش هنحضن مش هنبوس و مش هنسلم على حد وخصوصا صحابك القدام وقرايبك وده لمدة شهور قدام

٤-مش هتاكل من الشارع نهائيا الا لو مكان مضمون اوي اوي اوي

وفي الشغل كل واحد له ادواته الخاصه بالاكل والشرب ومفيش الفطار الجماعي بتاع الصبح ده كان زمان دلوقتي بح خلاص

٥-هنحافظ علي المسافات بينا متر ونص علي الاقل والكلام ده بيطبق علي اي مكان انت فيه خارج البيت سواء سوبر ماركت او محلات تجاريه او مصلحه حكوميه

٦-هنستعمل مناديل للعطس والكحه وزي ما تعودنا نتخلص منهم بطريقه امنه

٧-ونعقم ايدينا كويس بالكحول .. وانت خارج البيت دايما ولو قدرنا نغسل ايدينا بالميه والصابون .. يكون افضل طبعا لمده ٢٠ثانيه

وطبعا الكمامه قبل لما نخرج من البيت نكون لابسينها وان امكن معانا اكتر من واحده عشان لو ابتلت تتغير في الحال و نلبسها في الاماكن العامه والمواصلات واماكن الازدحام

٨-وطبعا خلاص النوادي حتفتح و التمارين حتبتدي و الأفضل انك مترشحي نادي ولا سينما ولا خروجات ولا شواطيء نهائيا ولا أي حاجة فيها تجمع نهائيا الا في الضرورة القصوي

٩-ولو بتتمرن لوحدك او مع أفراد قليلة جدا لازم تباعد بينكم واضح

١٠-وممنوع لبس الماسك اثناء التمرين الفردي نهائيا واثناء ممارسة اي رياضه بشكل عام زي الجري

وركوب العجل

١١-طبعا الكافيهات والمطاعم فتحت

مش هناكل او نشرب فيها نهائيا ولو في منكم هيرمي نفسه في البحر وعايز ياكل في المطاعم وينزل كافيهات لازم ياخد باله ويستخدم ادوات ذات الاستخدام الواحد فقط من اطباق وكوبايات

١٢-ومفيش شيشة حتى لو كان من تحت لتحت لانها

أكثر سبب لانتشار العدوي طبقا لمنظمة الصحة

١٤-لو ركبت مواصلات عامه او تاكسي ولاقيت السواق مش لابس كمامه اطلب منه انه يلبسها ولو مرضيش انزل واركب غيرها ساعتها هيخاف علي اكل عيشه وهتجبره انه يلبسها وده امان ليك وله

١٥- طيب لو عايز ترمي نفسك في البحر وتاكل جوه المطعم او كافيه

لازم ناخد بالنا من وسائل التعقيم في المطعم والعاملين لازم يكونو لابسين كمامات او اطلب منهم يلبسوا لو حد نسى وان شاء الله الناس كلها تكون ملتزمه وخايفه علي نفسها

١٦- لما نرجع بيتنا بالسلامه اتعود تلمس مقابض الأبواب و زراير الاسانسير بكوعك مش بصوابعك أواستخدم مناديل الورق وخلي منها كثير في جيبك عند العطس بسبب تغيير الجو والتراب .

١٧-نقلع الشوز علي الباب وندخل نغسل ايدينا كويس بالميه والصابون ولو خدنا شاور يكون افضل .

١٨-وطول ما احنا برا البيت نحاول علي اد ما نقدر ايدينا متلمسش وشنا خالص ونعقم ايدينا كويس طول ما احنا برا وخلي عندك شعور دائما ان الفيروس في ايديك ولازم تغسل ايدك على طول

١٩-وطبعا كلنا بنحب أكل الدليفري

ناخد بالنا كويس جدا واحنا بنطلب من مكان موثوق فيه اولا واحنا بنحاسب نلبس ماسك وعلي بعد متر ونص وندخل الاكل مكيرويف او فرن كام دقيقه وناكل بعد كده بالهنا والشفا

ونخلي بالنا كويس جدا اثناء التعاملات الماديه وتعقيم الفلوس واليدين جيدا بعد اي تعامل مادي

٢٠- لو هتروح عيادة او مركز طبي او مستشفى لازم تكون عند الضرورة فقط وناخد بالنا من التباعد والتعقيم والماسكات وعقم الكراسي قبل وبعد جلوسك على كراسي الانتظار وتروح للدكتور لوحدك أو معاك مرافق واحد فقط .

وأخيرا خد بالك وركز على مفتاح المناعة :

الأكل الصحي وشرب السوائل

النوم الكافي

وممارسه الرياضه

واهم حاجه الحاله النفسيه الجيده

وحسن الظن بالله ويقينا بان الله لن يضيعنا